Zimkhalele umsakazi uSbusiso Buthelezi osekhonjwe indlela oKhozini ngenxa yamabhizinisi akhe aseceleni, amqhathe nomqashi.
Esitatimendeni esikhishwe iSABC namhlanje ithe kudingeke ukuthi inqanyulwe ngokushesha inkontileka kaButhelezi kulandela kwezinsolo ngamabhizinisi akhe angcolisa igama lenkampani. Akukacaci ukuthi lamabhizinisi aButhelezi angasese enzani.
Okhulumela UKhozi FM uNkk Ndileka Cola uthe: “Njengabaphathi boKhozi FM sifisa ukuqinisekisa ukuthi abukho ubudlelwano obukhona phakathi kwethu nenkampani ezimele kaButhelezi i-Abombuso Investment.”