IManchester United isivele yaphuthumisa izingxoxo nomqeqeshi iManchester City ebihlela ukuvala ngaye isikhala sikaPep Guardiola uma kwenzeka ehamba, uRuben Amorim, kulandela ukuxosha u-Erik ten Hag.
Ngokombiko kaFabrizio Romano i-United isivumelene neSporting Lisbon ukuthi lo mqeqeshi ajoyine i-United, engaphansi kwengcindezi njengoba ikunombolo 14 kwilog yePremier League.
“ISporting sesithole incwadi evela kwiMan United ngokuqasha kwayo u-Amorim. IMan United yazise iSporting ukuthi izowukhokha u€10m wokumkhulula kwinkontileka yakhe, njengoba u-Amorim eseyamukelile inkontileka ye-United.
“U-Amorim usevumile ukuqala umsebenzi kwi-United ngemuva kwezingxoxo eziphothulwe kuleli sonto.