IZimbabwe neKenya sebekhishiwe ohlwini lwamaqembu abezodlala kweyokuhlungela I-AFCON yango-2023.
Isinqumo siqinisekiswe iConfedration of African Football (CAF) ngoMsombuluko.
Womabili lamaqembu akhishwe ngesizathu sokungaxazululeki kodaba lososeshini abamiswa yiFIFA.
IFIFA yabamba ukuthi osopolitiki bayagxambukela ezindabeni zebhola kulamazwe. Kuvela ukuthi ososeshini bebephethwe osopolitiki.
Iqoqo leBafana Bafana lizoba namaqembu amathathu, uma sekuhlanganiswe iMorocco neLiberia. Amaqembu azoqeda endaweni yokuqala neyesibili yiwona azozibekisela ngendawo e-Ivory Coast.