Oyisikhulu seRoyal AM uSinky Mnisi usola uMengameli weqembu uShauwn Mkhize ngokumhlanganyela nabezindaba ngokungafuni ukukhuluma iqiniso ngokumiswa kwakhe emsebenzini.
UMnisi uthi ubemiswe emsebenzini ngokuyisipesheli.
“Ngiseyisikhulu seRoyal AM. Ukube bengimisiwe ekusebenzeni eqenjini, bekuzolandelwa imigudu efanele. Angiyibhemi insangu.
Bengimile emsebenzini ngokuyisipesheli, uMengameli uyakwazi lokho. Bengithule isikhathi eside, noMengameli weqembu akazange azame ukunqanda lezonkulumo. Ungiyekelile ngihlaselwa abezindaba.
UMnisi uphinde wasola iSekhukhune United ngokungabi neqiniso. Uthi akazange adayise uVictor Letsoalo kwiSekhukhune.
“Kukhona abathi ngidayise uVictor Letsoalo kwiSekhukhune. Mina, uSinky Mnisi, angisoze ngabeka umcondo wami emnyango weSekhukhune. Angisoze ngasebenzisana naleloqembu. Abanalo iqiniso. Angazi lutho ngokudayiswa kukaLetsoalo,” kubeka uMnisi obebize isithangami sabezindaba ePremier’s Hotel namuhla.