Kuvela negama laMaZulu emaqenjini acathamela Injini yesisu kwiMarumo Gallants uMiguel Timm ophelelwa yinkontileka ngoJuni.
UTimm, okubukeka engeke ayisayine inkontileka entsha eLimpopo, ufunwa yiSekhukhune ne-Orlando Pirates.
Iziko labezindaba iFARPost libike ukuthi lomdlali uyinyama emaqenjini akuDSTV Premiership njengoba eseqala izinhlelo zangesizini ezayo.
“I-Orlando Pirates ingelinye lamaqembu afuna uMiguel Timm ozophelelwa yinkontileka kwiMarumo Gallants. IBucs ibhekene nobunzima njengoba AmaZulu neSekhukhune United bemgaqele uTimm.”
Uma AmaZulu egcina ekwazile ukuqomisa uTimm, azobe ezitholele ingcwenga yomdlali ngenkani eliphansi kakhulu kwazise angeke akhiphe nendibilishi.
Usuthu lusanda kumemezela izinhlelo zesizini ezayo, okukhona kuzo uhlu lwabadlali abangu-13 abazochithwa nabazodayiswa. UMengameli weqembu uSandile Zungu wadalula lezindaba ekhuluma emsakazweni Ukhozi FM ezinsukwini ezedlule.