AmaZulu ashiye izimbangi zikhamisile esayinisa u-Ethan Brooks kwiTS Galaxy.
Kuvela ukuthi uBrooks ubefunwa amaqembu amathathu kwiDSTV Premiership.
UBrooks ungomunye wabadlali abekade begaqelwe iKaizer Chiefs, Orlando Pirates neMamelodi Sundowns kwazise useyingxenye yeBafana Bafana esaneminyaka engu-21. Womathathu lamaqembu awafikanga esigabeni sokuxoxa neGalaxy ngoBrooks.
Lomdlali oyibamba enkabeni yesisu, uzomenyezelwa kuMaZulu kungekudala.
AbeSABC Sport baxhumane nemenenja yeQT Sport uBasia Michaels ongafunanga ukucacisa ngekusasa lomdlali wakhe.
“Maningi amaqembu akhulume nami ebuza ngoBrooks, namanje kusenjalo. Sikhulumile ngokubheka amathuba e-Europe yize kukhona amaqembu aseNingizimu Afrika afuna umdlali,” kubeka uMichaels.
UBrooks ubelizwa ngendaba ijezi kwiGalaxy selokhu kwafika umqeqeshi waseSerbia uSead Ramovic. Ubejwayele ukudlala esuka ebhentshini emidlalweni eminingi, eminye ayibukele engaphandle.
AmaZulu asaqhubeka nezinhlelo zesizini ka-2022/23 njengoba esesayinise umdlali wesikhombisa omusha. Leliqembu lisayine uVeluyeke Zulu, Gabadihno Mhango, Augustine Kwem, Dumisani Zuma, Riaan Hanamub noThendo Mukumela ngoMsombuluko.