IGibela Sport isizitholele ngomthombo wayo ongashayi eceleni ukuthi umdlali weMarumo Gallants uNdabayithethwa Ndlondlo kungenzeka asayine kuMaZulu uma izingxoxo zihamba kahle.
UNdlondlo useke wadlala eqenjini leDSTV Diski Challenge oSuthwini ngaphambi kokuthola amadlelo aluhlaza kwiTshakhuma Tsha Madzivhandila.
Izingxoxo phakathi koSuthu neGallants ziyela emaphethelweni kwazise izesheli zibeke imali econsisa amathe etafuleni.
UNdlondlo usele ngonyaka owodwa kwinkontileka yakhe neGallants.
Lomdlali uyinsika eqenjini likaDan Malesela elishaya ibhola elidla utshani. Ufake iGallants kowamanqamu weNedbank Cup kulesizini, bashaywa iMamelodi Sundowns ngo 2-1 sekufike kwi-extra time.